شوفو شو بعمل لما اكون زهقانة

السلام عليكم

اليوم حبيت اعرضلكم بعض الاشغال اليدوية اللي بعملها
وان شالله تعجبكم


اول شي جبت كاسة زجاج
ولفيت عليها شبر خيش ملون
وعملت فيونكة والصقتها بالغراء
وبعدين حطيت طبقة حصى(الخاص بأحواض السمك بينباع ملون)
وبعدين معطر حوض الحمام لون برتقالي بيجي حبيبات معطرة
وهيك طبقة ورا طبقة لحد ما عملت 6 طبقات طبعا لن الكاسة طويلة
وبالاخر حطيت شمعة صغيرة


[url=http://fashion.azyya.com][/url]



صار هيك شكلها لما اضويها


[url=http://fashion.azyya.com][/url]

وهاي ال2 اللي عملتهم كل وحده لون


[url=http://fashion.azyya.com][/url]




وهاي كاسة نوتيلا عملتها بالاول للاقلام بس بنتي الدلوعة اصرت انها تصير شمعة
جبت الكاسة ولفيت عليها شبر خيش والصقت عليها صورة باربي ورشيت عليها جليتر

وحطيت جليتر عالاطراف من فوق


[url=http://fashion.azyya.com][/url]


وهاي شمعدان كبير بالاصل كان كاسة كبيرة ومعها صحن حولتهم لشمعدان
لزقت الكاسة بالصحن بالسيليكون وحطيت حواليها حصى ابيض وقطعت صابون اخضر
برائحة الليمون لقطع صغيرة وحطيت داخل الكاس وحواليها و
في الدخل حطيت شمعة
وربطت شبرة على الكاسة وهيك صارت

[url=http://fashion.azyya.com][/url]




وهاي سلة المطبخ من 9 سنوات عندي حبيت اغير شكلها
دخلت فيها شبرة عريضة وعملت فيونكة وحطيت ورد عليها وشبر رفيع لون اورانج
وتغيرت لشي حلو وكانه جديد


[url=http://fashion.azyya.com][/url]


وهاي سلة اجتني هدية كانت باهتة ومملةاحتجت في يوم من الايام
سلة في المطبخ كبيرة وعلى الفور بدأت بخطة التجديد
دخلت فيها شبر اخضر وكانه منها وحطيت حبل وعليه شبر من الخيش زي حبل الغسيل
وملاقط صغيرة واخر شي ربطت شبرة عالطرف
شو رأيكم؟
صارت احلى


[url=http://fashion.azyya.com][/url]


وهدول متل الشمع الجاهز بالسوق وبصراحة لما انتقلت ع بيتي الجديد
ما كان عندي تحف
او مناظر فابتكرت هاد الشمعدان من الحصى والكاسات والشمع
وحطيت تحتهم مفرش يناسب الوانهم
كتير ناس بيسألوني من وين اشتريتهم

احزرو


[url=http://fashion.azyya.com][/url]


وهدول كاسات الحمام ما بدهم شرح شبر وجليتر وفي داخلهم
حصى ومعطر للحما واكيد زي ما انتو شايفين
الفراشي ومعجون الاسنان يعني فكرة جديدة وبسيطة

[url=http://fashion.azyya.com][/url]




وهاي اهديتها لاغلى انسانة على قلبي وسرها ما بحكيه لحدا



[url=http://fashion.azyya.com][/url]



بس لا تنسو التقييم اذا عجبوكم


والله عندي اشياء اكتر من هيك ومو عارفة متى رح اقدر احطلكم الصور
شي رسم وشي تصاميم ازياء
وهذا كله من فضل ربي