كابتشينوو الجمال....لا تستغربون ادخلو اعلمكم بالسالفه

[ندعوك للتسجيل في المنتدى أو التعريف بنفسك لمعاينة هذه الصورة]
مرحبـــــــــــــــــآآ

[ندعوك للتسجيل في المنتدى أو التعريف بنفسك لمعاينة هذه الصورة]
بأدخل في السالفه دووغري .. بنآت من كم اسبوع جونآآ ناس من جماعتنآ من المدينه وجلسو عندنا كم يووم .. وكانو الحريم جالسين ويتحكوون عن البوتاكس والميزيو ثيربي وهالابر اللي الحريم طابين فيهآآ
والا وحده من الحريم الكبااار تصير عمة ابوبي ماشاء الله كبيره جدا في السن ربي يحفظها .. تقول والله احنا زمان لا نعرف لا ابر ولا شي ماكنت اشرب بناتي الا مشروب التمر والحلبه وماشاء الله وجيهم من صغرهم مليانه والبيااض والخدود مورد من غير شي
عاد انا حطيت الاسم في بالي [ندعوك للتسجيل في المنتدى أو التعريف بنفسك لمعاينة هذه الصورة]
بعدها بكم ايووم اروح احووس عند الحرمه اقولها خاله وش هووو مشروب الحلبه والتمر اللي قلتي عنه
الا قالت لي عالطريقه .. لي اسبوعين مجربتهااا .. والله العظيم يابنات وجهي ولله الحمد صفي مرررره وخدودي وردت وربي شاهد علياا والصفار اللي في وجهي راااح .. بشرتي فاتحه ماشاء الله تبارك الرحمن بس كان وجهي مصفر كانوو مو نايمه ولا اسهر طول اليووم غير الحبوب اللي كل ماتروح وحده تطلع الثانيه ولونه مرره مرقع

والطريقه هي :
تغلين الحليب على النار وتضيفين 5 حبات هيل .. مع ملعقة اكل حلبه وتخليه يغلي الين يصير لون الحليب مايل للبيج بعدين تصفيه وتحطيه في الخلاط وتضيفي عليه التمر اي نووع ماتفرق بس انا للامانه حطيت معاه عجووه وتخليه في الخلاط الين تتطلع الرغوووه ويصير مثل الكابتشينوو
طعمه لذيذ مرره والحلبه ابد مو باينه ولا طلع لي ريحه ولا شي ممكن عشان الهيل ضيع ريحة الحلبه

كنت اشربه مره في اليووم عالمغرب ..

وكل صباح اشرب هالمشروووب
اللي هوو مويه تخلطيها مع ملعقة موية ورد وملعقة عسل وعالريق ونصحتني بعد اسف زعتر عالريق كل يووووم
والله العظيم طلع لي خدووود في اسبوعين بس ووجهي صفي وبياااض ماشاء الله
كنت اشتكي من صفرة الوجه .. والهالات السوودآآآ
للأمآآنه خلال هالاسبووعين زدت 2 كيلوو هذا اللي لاحظته .. انا ماتفرق معاي لاني كنت ابي اسمن
واستخدمت لوجهي صابونة الكركم
اللي باوصله لكم حبايبي انه اهم شي العنايه من الداخل .. وربي وجهي كان مرقع الوآآآن ماخليت شي ماحطيته .. مع ان جسمي لوونه حلو الحمدلله ماخليت تقشير .. كريمات تفتيخ خلطآآآت للوجه
اللحين اتأكدت ان العلاج علاج داخلي .. عشان خلايا الجلد تتجدد والدم يمشي في الوجه ويورد بعدين نستعين للكريمآآآت
حبيت اقوولكم تجربتي لأني والله ماكتبت لكم الموضوع الا بعد ماشفت النتيجه على نفسي
واي سؤال انا حاضره
[ندعوك للتسجيل في المنتدى أو التعريف بنفسك لمعاينة هذه الصورة]
:::::::::::::::::::::::::::::: :::::::::::::::::::::::::::::: ::::::::

رآجعو الصفحه رقم 5 فيها رد لأسئلة العضوآآآآآت بأكتبه لكم هنآآآ عشان اسهل عليكم
السـلآم عليكم
حبايبي يسعدلي قلووبكم .. وربي يسلمكم عالدعوآت الحلوه ولكم بالمثل إن شاء الله

لكل البنآت اللي أرسلولي عالخاص .. سامحووني مشاركاتي ماتسمح ان ارسل عالخاص .. أقدر أشوف المسج بس ما اقدر ارد [ندعوك للتسجيل في المنتدى أو التعريف بنفسك لمعاينة هذه الصورة]
وسامحووني على التأخير بالرد
أجوبه لأسئلتكم :[ندعوك للتسجيل في المنتدى أو التعريف بنفسك لمعاينة هذه الصورة]
الحليــــب : حليب سائل مو مجفف مثل نيدو لأ .. لازم حليب سائل .. ماتفرق اي النوع االمتوفر بس .. أنا كنت استخدم المراعي ومرات حليب السعووديه .. ومرات أبو قووس ( للأمآنه كنت اشتري كآمل الدسم ) .. والمقدآر حطي اللي يكفيك انا أشربه في كووب كبير

الهيل : مقدار 5 حبات مو مطحوون ( هيل حب) .. واللي تبي تحط مطحوون ينفع تحط ملعقة صغيره ( الهيل يضيع ريحة الحليه )

الحلبه : عارفه ان الكثير خايف من هالحلبه لا تنسون ان الرسول مدهاااا مره (لوعرفتم ما في الحلبة من فوائد لاشتريتموها بالذهب".

استخدمت حلبه حب مو مطحوووونه .. والله العظيم يابنات ماطلعت لي ريحه مع ان الحلبه اللي عندي اصليه حلبه يمانيه بس مع الهيل وربي مافي اي ريحه
ترآ انا مستحيل اشرب حلبه وارووح ريحتي حلبه كمآن انا طالبه في الجآآمعه واقابل بنات وصديقاتي ومجتمع يعني بالعربي لا تخااافوووون واذا مره خايف اضيفو حبتين مسمار (قرنفل) للأمان انا ما اضفتهاا مايسوي شي بس يضيع الريحه

التمر : عدد 7 تمرآت ( بعد ماتشيلين النوى)

أغلي الحليب مع الهيل والحلبه ( غليآآآآآآآن ) يعني تشوفين الحليب يفوووور ... الين يصير لونه مائل للبيج دليل انه الحلبه غلت فيه .. مو تشوفون الحليب ابيض وتحطوونه كذا ولا كأنك سويتي شي
يعني يتغير لون الحليب .. وبعدها صفيه بالمصفاه وحطيه في الخلاط وحطي التمر واضيفي شوي حليب بارد .. يعني عشان يصير دافي شوي ويطلع الرغووه
اخلطيه في الخلاط الين تشوفين الرغوووه
وحطيه في الكوووب وربي مثل الكابتشينوو وطعمه لذيذ .. حتى مايحتاج سكه لأن التمر حلوووو

البنات اللي يخافوون يسمنوو ولا خايفين من الحلبه ( اقولهم لا تخافووون من الحلبه مقدار ملعقه صغيره ) كثير نسمع بنات ضرتهم الحلبه عشان كان يشربووون ثلاجه في اليوووم ويستيدلوها بالشاهي وهذا غلط

انا صح زدت 2 كيلوو .. انا من النوع اللي ما اسمن بسررعه .. ويعني نحيفه خاطري ازيد كم كيلو عشان جسمي يسير حلوو
ومره انبسطت بهالـ 2 كيلوو .. بس للأمان كنت اكووول يعني مو بس طبيعة الاجسام تختلف في ناس ماتسمن وفي ناس تسمن

الخلطه اللي عالريق:
تقدرون تكتفوون بالمويه ( مويه شرب عاديه .. وموية ورد مقدار الغطا اللي موجود في القارووره مع ملقعة اكل عسل ولازم عالريق*

الزعتر ( ملعقة اكل سفيها واشربي مويه ) [ندعوك للتسجيل في المنتدى أو التعريف بنفسك لمعاينة هذه الصورة]
الزعتر هو نفسه اللي نسوي فيه الفطاير والمناقيش (يسمونه الزعتر البري) برضو عالريق وترآه مفيد جدا جدأ

» كنت قبيحه واصبحت شديده الجمال
» الغاز ادخلو واحزرو
» صور كفرات للبلاك بيري روعه ادخلو وشوفو
» كروشات ادخلو هنا لتسهيل ولادتكم باذن الله
» سبحان الله ادخلو شوفو واعرفوانكم في نعمه كبيره